“Azərbaycanın beynəlxalq əlaqələri tarixi” şöbəsinin müdiri, tarix üzrə elmlər doktoru, professor Əlibəyli Həsən Cahangir oğlu 1935-ci ildə Biləsuvar rayonunda anadan olub. Beynəlxalq münasibətlər tarixi ixtisası üzrə "Əfqanıstanın xarici siyasətinin əsas problemləri (1946-1966-cı illər)” mövzusunda namizədlik, “İranın həmsərhəd Şərq ölkələri ilə siyasi münasibətləri (problemlər və təmayüllər)” mövzusunda isə doktorluq dissertasiyası müdafiə etmişdir. Çapdan çıxmış elmi əsərlərinin ümumi sayı 100-dən çoxdur. Beynəlxalq Siyasi Elmlər Akademiyasının üzvüdür.    

1958-1959-cu illərdə Azərbaycan Dövlət Universitetinin Şərqşünaslıq fakültəsinin dekan köməkçisi olub.

1959-1963-cü illərdə Əfqanıstanda fars dili mütərcimi, Əfqanıstan üzrə ekspert vəzifəsində işləyib.

1964-1967-ci illərdə SSRİ Elmlər Akademiyasının Asiya Xalqları İnstitutunun aspiranturasında oxumuş və 1967-ci ildə həmin institutda “Əfqanıstanın xarici siyasətinin əsas problemləri (1946-1966-cı illər)” adlı namizədlik dissertasiyasını vaxtından dörd ay əvvəl müdafiə edərək tarix elmləri namizədi elmi dərəcəsi almağa layiq bilinmişdir.

1967-1972-ci illərdə İranda metallurgiya zavodunda baş mühəndisin köməkçisi və ictimai əsaslarla SSRİ-nin İsfahandakı Baş Konsulluğunda Protokol məsələləri üzrə attaşe olub.

1972-ci ildən 1992-ci ilə kimi Azərbaycan EA-nın Şərqşünaslıq İnstitutunda elmi işçi, baş elmi işçi və İran tarixi şöbəsinin müdiri, 1992-1995-ci illərdə Azərbaycan Respublikasının İrandakı səfirliyində müşavir və 1993-1995-ci illərdə Azərbaycan Respublikasının İranda müvəqqəti işlər vəkili olub. 

Görkəmli alim 2018-ci il noyabr ayının 28-də Bakı şəhərində dünyasını dəyişmişdir. 

Ən mühüm elmi əsərlərinin adları:

• "Основные проблемы внешней политики Афганистана (1946-1966 гг.)", М., "Наука", 1979
• Иран и сопредельные страны, М., «Наука»,1989 – 267 стр.
• Внешняя политика Афганистана (1946-78 гг.), М., «Наука», 1979, 208 стр. (xidməti istifadə üçün)
• Lalə: İran yazıçılarının əsərləri: povest və hekayələr /tərt. ed. və farscadan tərc. ed. H. Əlibəyli ; red. H. Məmmədzadə. Bakı: Yazıçı, 1981, 292, [4] s.
• Türkmənçay müqaviləsi "sirlərinin" həqiqəti ///Azərbaycan .-1991.- 28 noyabr. s.4.
• Tarixin dörd günü (Prezident Heydər Əliyevin İrana rəsmi səfəri ilə bağlı), Tehran, 1994, 180 s.
• Diplomatiya, Ensiklopedik lüğət, Bakı, 2005-ci il, 578 s. (müəllflər kollektivi) İqtisadi Əməkdaşlıq Təşkilatı (EKO), (çapa hazırlanıb)
• Beynəlxalq münasibətlərin qlobal problemləri (məqalələr toplusu), Bakı, 2006, 241 s.
• Dünya geosiyasi prosesinin sistemli təhlili tarixi gerçəklik kontekstində//Xalq qəzeti, 2012, 12 fevral, s. 3.
• "Xarici siyasət: reallıqlar və gələcəyə baxış" kitabı müasir Azərbaycan siyasətşünaslığında yeni hadisədir / İ.Rüstəmov, H.Əlibəyli //Respublika, 2013, 3 avqust, s. 4.
• Beynəlxalq münasibətlərin Qlobal problemləri: məqalələr toplusu /AMEA, Fəlsəfə və Siyasi-Hüquqi Tədqiqatlar İn-tu; elmi red. H. Əlibəyli. Bakı, 2006. 241 s.