SULTANOVA LAMİYƏ HACI MƏMMƏD QIZI
Sultanova Lamiyə Hacı Məmməd qızı 17 sentyabr 1989-cu ildə Bakı şəhərində anadan olub.
1994-2005-ci illərdə Suraxanı rayonu 278 saylı orta məktəbdə təhsil almışdır.
2005-2010-cu illərdə Azərbaycan Dövlət Pedaqoji Universitetinin Tarix fakultəsində bakalavr təhsilini başa vurmuşdur. 2013-2016-cı illərdə Azərbaycan Dövlət Pedaqoji Universitetinin “Türk dünyası tarixi” ixtisası üzrə magistr pilləsində təhsil alıb. 2016-cı ildə "XIX əsrin birinci yarısında Şimali Qafqazda siyasi-iqtisadi vəziyyət" adlı dissertasiya işini müdafiə edərək magistr dərəcəsi almışdır.
2007-2009-cu illərdə Suraxanı rayonu 290 saylı orta məktəbdə katibə, 2011-2014-cü illərdə Ekologiya və Təbii Sərvətlər Nazirliyi Kompleks Tədqiqatlar Mərkəzində operator vəzifələrində çalışmışdır. 2017-ci ildə AMEA A.A.Bakıxanov adına Tarix İnstitutunda “Vətən tarixi” istiqaməti üzrə dissertanturaya qəbul olunmuşdur. Həmin ildən “Azərbaycan Xalq Cümhuriyyəti tarixi” şöbəsində kiçik elmi işçi vəzifəsində işləyir.
Hal-hazırda “Azərbaycan Xalq Cümhuriyyətində aqrar məsələ” mövzusu üzərində tədqiqat işini davam etdirir.