TARİX İNSTİTUTU

18 sentyabr 2025-ci il tarixində Azərbaycan Milli Elmlər Akademiyası A.A. Bakıxanov adına Tarix  və Etnologiya İnstitutu  nəzdində fəaliyyət göstərən   BED 1.30/1  saylı Birdəfəlik  Dissertasiya şurasının iclası keçirilib.

19.09.2025 10:14

Sürəyya Əli qızı Allahverdiyevanın  5509.01-Tarixşünaslıq, mənbəşünaslıq və tarixi tədqiqat üsulları ixtisası üzrə tarix elm sahəsi üzrə fəlsəfə doktoru elmi dərəcəsi almaq üçün “Məhəmməd Əmin Rəsulzadənin əsərləri Azərbaycanın milli istiqlal mübarizəsinin  tarixini öyrənmək üçün mənbə kimi” və Fatma Məhərrəm qızı Qəniyevanın  5102.01-“Etnoqrafiya və etnologiya” ixtisası  üzrə tarix üzrə fəlsəfə  doktoru elmi dərəcəsi almaq üçün “Qonaqpərvərlik  azərbaycanlıların etnik identikliyinin komponenti kimi”  mövzusunda təqdim edilmiş dissertasiya  işlərinin müdafiəsi təşkil olunub.

Müdafiədə Dissertasiya şurasının üzvlərindən başqa opponentlər, rəyçilər və digər qonaqlar iştirak etmişdir. İddiaçılar uğurla müdafiə etdi və təqdim etdikləri dissertasiya işləri Azərbaycan Respublikası Prezidenti yanında Ali Attestasiya Komissiyasının verdiyi bütün tələblərə cavab verdiyi üçün Dissertasiya şurası tərəfindən yüksək qiymətləndirildi.

__________________

İctimaiyyətlə əlaqələr şöbəsi

info.tarixinstitutu@gmail.com

 +994 70 253 75 93

© Bütün hüquqlar qorunur.Xəbərlərdən istifadə edərkən http://www.tarixinstitutu.az saytına istinad zəruridir