TARİX İNSTİTUTU

Atropatena Azərbaycan tarixçilərinin tədqiqatlarında (məqalələr toplusu), Bakı, 2024, – 266 s.

Atropatenaşünaslığın görkəmli nümayəndəsi akademik İqrar Həbib oğlu Əliyevin 100 illiyinə həsr olunmuş topluya Azərbaycanın antik dövr dövləti – Atropatenanın tarixinə və mədəniyyətinə dair məqalələr daxil edilib.

İ.H.Əliyevin vəfatından ötən 20 il ərzində Azərbaycan tarixşünaslığında Atropatenanın aktual məsələləri haqqında xeyli elmi əsər nəşr edilmişdir. Onların əksəriyyətində İ.Əliyevin akademik istiqamətinin təsiri olsa da, bəzilərində Atropatena tarixinin problemli məsələlərinə yeni metodoloji yanaşma diqqət çəkir.

Kitabdan tarixçilər və müqayisəli dilçilik sahəsində çalışan filoloqlar, eləcə də Azərbaycan tarixinin qədim dövrü ilə maraqlanan oxucular faydalana bilərlər.