TARİX İNSTİTUTU

Beynəlxalq münasibətlər sistemi və Azərbaycanın xarici siyasəti. Bakı, “Nəşriyyat” şöbəsi, 2025, -716 s.

Orta əsrlərdən XXI əsrin əvvəllərinədək Azərbaycanın beynəlxalq əlaqələr tarixinin tədqiqinə həsr olunmuş monoqrafiyada xarici ölkə arxivlərindən toplanmış sənədlər əsasında araşdırmalar aparılaraq qeyd edilir ki, AXC dövründə Azərbaycan ilk dəfə beynəlxalq münasibətlər sisteminə qatılmış, 1991-ci ildə müstəqilliyinin yenidən bərpasından sonra ümumdünya münasibətlər sisteminə inteqrasiya olmuşdur. Ümummilli lider Heydər Əliyevin ölkə rəhbərliyinə qayıdışından sonra Azərbaycan dünya birliyi ilə sıx əlaqələr qurmuş, onun layiqli davamçısı, Müzəffər Ali Baş Komandan İlham Əliyevin həyata keçirdiyi daxili və xarici siyasət nəticəsində Cənubi Qafqazda lider dövlətə çevrilmişdir.

Kitabdan Azərbaycanın beynəlxalq əlaqələr tarixini tədqiq edən mütəxəssislər və geniş oxucu auditoriyası faydalana bilərlər.