Nigar İmran qızı Camalova 1985-ci ilin martın 29-da Azərbaycan Respublikasının Qəbələ rayonunda anadan olmuşdur. 1991-2002-ci illərdə Ağdaş rayon (şəhər), S. Vurğun adına 2 saylı tam orta məktəbdə təhsil almışdır. Məktəbdə oxuyarkən bir neçə dəfə idman yarışlarının (şahmat, stolüstü tennis, volleybol) və fənn olimpiadalarının qalibi olmuşdur. 2002-2006-cı illərdə Bakı Dövlət Universitetinin Tarix fakültəsində bakalavr (əyani), 2006-2009-cu illərdə Bakı Dövlət Universitetinin Tarix fakültəsində “Azərbaycan tarixinin yeni və müasir dövrü” ixtisas istiqaməti üzrə magistratura (qiyabi) təhsili almışdır. Hər iki təhsil pilləsini fərqlənmə diplomu ilə bitirmişdir. 2011-2014-cü illərdə A.A.Bakıxanov adına Tarix İnstitutunun “Beynəlxalq münasibətlər tarixi” ixtisas istiqaməti üzrə doktorantura təhsili almışdır. Azərbaycan Respublikasında doktoranturaya ilk imtahanların 2011-ci ildə keçirildiyini nəzərə alsaq Nigar İmran qızı Camalova ilk doktorantlardandır.
2006 – 2011-ci illərdə Bakı Yeyinti Sənayesi Texnikumunda (indiki adı Bakı Qida Sənayesi Kolleci) müəllim işləmiş, Azərbaycan tarixi, Tarix, İnsan və cəmiyyət, Fəlsəfə fənlərini tədris etmişdir. 2010-2012-ci illərdə Qobustan Dövlət Tarix-Bədii Qoruğunda elmi işçi və İT üzrə ixtisaslaşmış SİNAM MMC şirkətində Azərbaycanın tarixi abidələri və görməli yerləri haqqında məlumatın toplanması üzrə operator işləmişdir. 2012-ci ildən A.A.Bakıxanov adına Tarix İnstitutunda işləyir.
Respublika və xarici ölkələrdə keçirilmiş beynəlxalq konfranslarda, seminar, təlim və kurslarda iştirak etmiş, diplom (2002-ci ildə Respublika fənn olimpiadasında Azərbaycan tarixi fənni üzrə III yer, 2014-cü ildə “Mədəni irs və tarix-mədəniyyət qoruqları” mövzusunda ən yaxşı məqalələr müsabiqəsində III yer) və sertifikatlarla (21-22 aprel 2011-ci il tarixlərində Avropa Komissiyası tərəfindən maliyyələşən və dvv international, Lətif Kərimov adına Azərbaycan Xalçası və Tətbiqi sənəti Dövlət Muzeyi, ICOM Azərbaycan təşkilatları tərəfindən icra olunan A-MUSE-ALL layihəsi çərçivəsində təşkil edilən “Sərgi” təlimində iştirak, Azərbaycan Respublikası Təhsil Nazirliyi və “Mədəd” təşkilatı tərəfindən təşkil edilmiş İKT-nin təhsilə tətbiqi üzrə İntel “Gələcək üçün Təhsil” təlim kursunda iştirak, beynəlxalq elmi konfranslarda iştirak və s.) təltif olunmuşdur.
Ailəlidir, 2 övladı var.
Elmi fəaliyyəti:
- 2006-ci ildə “İkinci Dünya müharibəsi illərində Azərbaycan legionlarının fəaliyyəti” adlı bakalavr diplom işini müdafiə etmişdir.
- 2009-cu ildə ““Qafqaz evi” ideyasını həyata keçirmək uğrunda Azərbaycan siyasi mühacirətinin fəaliyyəti” adlı magistr dissertasiyasını müdafiə etmişdir.
- “Ararat (Ermənistan) Respublikasının Azərbaycan xalqına qarşı soyqırımı və etnik təmizləmə siyasəti (1918-1920)” adlı dissertasiya üzərində işləyir.
Kitablar:
- İ.M.Cəfərzadə. Məqalələr toplusu. Baş red.: İsmayılzadə Qüdrət. Qobustan Milli Tarix-Bədii Quruğu. Bakı - "YEK Production" , 2012. 624 s. (redaksiya heyətində)
- Azərbaycan tarixi arxiv sənədlərində. May-Oktyabr 1918-ci il. Almaniya Federativ Respublikası Xarici İşlər Nazirliyi Siyasi Arxivinin Sənədləri. Layihə rəhbəri Mahmudov Yaqub. AMEA A.A.Bakıxanov adına Tarix İnstitutu. Bakı: “Turxan NPB”, 2013. 340 s. (redaksiya heyətində)
- Azərbaycan tarixi arxiv sənədlərində. 1918-1919. Almaniya Federativ Respublikası Xarici İşlər Nazirliyi Siyasi Arxivinin Sənədləri. Layihə rəhbəri Mahmudov Yaqub. AMEA A.A.Bakıxanov adına Tarix İnstitutu. Bakı: “Turxan NPB”, 2014. 320 s. (redaksiya heyətində)
Məqalələr:
- “Qafqaz evi” ideyası və onu həyata keçirmək uğrunda Azərbaycan siyasi mühacirətinin atdığı ilk addımlar // Magistrların və gənc tədqiqatçıların Azərbaycan Xalq Cümhuriyyətinin 89-cu ildönümünə həsr olunmuş VI elmi-praktik konfransının materialları / Azərbaycan Respublikası Təhsil Nazirliyi, Bakı Dövlət Universiteti, Tarix fakültəsi magistrantlarının və gənc tədqiqatçıların VI elmi-praktik konfransının materialları. – Bakı: 2007. – s.9-12
- “Qafqaz evi” uğrunda mühacirətimizin ideoloji mübarizəsi // Ümummilli lider Heydər Əliyevin anadan olmasının 85-ci ildönümü münasibətilə magistrantların və gənc tədqiqatçıların elmi-praktik konfransının materialları / Azərbaycan Respublikası Təhsil Nazirliyi, Bakı Dövlət Universiteti, Tarix fakültəsi. – Bakı: 2008. – s.8-11.
- Muzeylərdə tariximizin təbliğində kompyuter texnologiyalarının rolu // Azərbaycan tarixinin öyrəbilməsində muzeylərin rolu: II Respublika Elmi Konfransının materialları (18.06.2012, Bakı) / AMEA Milli Azərbaycan Tarixi Muzeyi. – Bakı, 2012. – s.3-7
- Ermənistan Respublikasının yaradılması və onun Azərbaycanlılara qarşı soyqırımı siyasəti // Elmi Əsərlər / AMEA A.A.Bakıxanov ad. Tarix İnstitutu / Birinci Dünya müharibəsi və Azərbaycan: beynəlxalq elmi konfransın materialları.- 2014. – Cild 48,49,50. Xüsusi buraxılış.– s.418-423.
- Qars regionunda soyqırımı // XX əsrdə türk-müsəlman xalqlarına qarşı soyqırımları: IV beynəlxalq elmi konfransın materialları ( 22-27 aprel 2017, Lənkəran); / Elmi əsərlər /AMEA AMEA A.A.Bakıxanov ad. Tarix İnstitutu.– Bakı, 2017. – Cild 64,65,66. – s.526-530.
- Birinci Dünya müharibəsi illərində ermənilərin Osmanlı imperiyası ərazisində dövlət yaratmaq cəhdləri // Elmi Əsərlər / AMEA A.A.Bakıxanov ad. Tarix İnstitutu.– Bakı: 2017. – Cild 68. – s.73-89.
- Azərbaycan Xalq Cümhiriyyəti hökumətinin azərbaycanlıların soyqırımının qarşısını almaq üçün gördüyü tədbirlər // Elmi Əsərlər / AMEA A.A.Bakıxanov ad. Tarix İnstitutu.– Bakı: 2018. – Cild 74, 75, 76. – s.119-123.
- Ermənistan Respublikasının Azərbaycan Xalq Cümhuriyyətinə hərbi təcavüzü və azərbaycanlılara qarşı soyqırımı siyasəti // Azərbaycan Cümhuriyyəti – 100 / Azərbaycan Xalq Cümhuriyyətinin yaranmasının 100 illiyinə həsr olunur; “İçərişəhər” Dövlət tarix memarlıq qoruğu idarəsi. – Bakı: 2018 – s.410-419.
- Ermənistan Respublikasının qədim Azərbaycan torpağı Naxçıvana hərbi təcavüzü və onun nəticələri // Gənc tarixçi tədqiqatçıların “Elm günü”nə həsr olunmuş respublika konfransının materialları / AMEA Tarix İnstitutu. – Bakı: 2019. – s.41-42
***
- Dünya Savaşı'nın sonlarına doğru Kafkasya'da Ermenistan Cumhuriyeti'nin oluşturulması // 100. Yılı Münasebetiyle I. Dünya Savaşı'nda Kafkas (Doğu) Cephesi Uluslararası Sempozyumu (25-27 Eylül 2014) / Erzurum, Atatürk Araştırma Merkezi Yayınları – Ankara: 2015. – s. 725-734
- Dahi alim Yaqub Mahmudov haqqında xatirələrim // Akademik Tarih ve Düşünce Dergisi –Prof. Dr. Yagub Mahmudov 80. yıl armağanı özel sayısı. Kutlama ve hatıratlar – Türkiyə: DərgiPark, 2019. – Cilt 6 (sayı: 5) – s.504-506
- Ararat (Ermənistan) Respublikasının Azərbaycanın Qarabağ bölgəsində soyqırımı və etnik təmizləmə siyasəti (1918-1920) // Akademik Tarih ve Düşünce Dergisi – Türkiyə: DərgiPark, 2020. – Cilt 7 (sayı: 1) – s.719-732