Tarix İnstitutunun Elmi şurasının qərarı ilə yeni kitab çapdan çıxıb

12.09.2022 15:20

AMEA A.A.Bakıxanov adına Tarix institutunda Orta əsrlər tarixi şöbəsinin aparıcı elmi işçisi,tarix üzrə fəlsəfə doktoru,dosent Fərəh Hüseynin transliterasiyası və tərcüməsi ilə  “1727-ci İL TARİXLİ RƏVAN LİVASI müfəssəl təhrir dəftəri”adlı kitab nəşr olunub.

 Kitabın elmi redaktoru akademik Yaqub Mahmudov,rəyçilər tarix elmləri doktoru,professor Şahin Fərzəliyev,tarix elmləri doktoru,dosent Tofiq Nəcəflidir.

Kitabda İrəvan əyalətinin 1727-ci il tarixli müfəssəl təhrir dəftərinin qismən tərcümə və transliterasiyası təqdim olunur.Bu tarixi sənəd XVIII əsrin əvvəllərində Osmanlı dövlətinin Azərbaycanın şimal-qərb vilayətlərini öz hakimiyyəti altına aldığı dönəmdə tərtib olunmuşdur.İrəvan əyalətinin sosial-iqtisadi,demoqrafik və toponimik mənzərəsini əks etdirən bu Osmanlı qaynağının nəşrindən mütəxəssislər və Azərbaycan tarixi ilə maraqlanan oxucular faydalana bilərlər.

©Bütün hüquqlar qorunur.Xəbərlərdən istifadə edərkən http://www.tarixinstitutu.az saytına istinad zəruridir