TARİX İNSTİTUTU

Tarix İnstitutunun Elmi şurasının qərarı ilə yeni kitab çapdan çıxıb.

26.04.2023 12:21

AMEA A.A.Bakıxanov adına Tarix İnstitutunun Azərbaycan Respublikası tarixi şöbəsinin müdiri,tarix elmləri doktoru,professor Mais Əmrahovun “ Azərbaycan SSR ikinci dünya müharibəsində(1939-1945) ” adlı kitab nəşr olunub.

Kitabın elmi redaktoru tarix üzrə fəlsəfə doktoru ,dosent Cəbi Bəhramov, rəyçilər tarix elmləri doktoru,dosent Nazim Məmmədov, tarix üzrə fəlsəfə doktoru ,dosent Afaq Piriyevadır.

Monoqrafiya məzmun strukturu baxımından müharibə tarixinə dair nəşr olunmuş əsərlərdən bir sıra xüsusiyyətlərinə görə fərqlənir.Kitabda II dünya müharibəsi ərəfəsində dünyanın siyasi mənzərəsinə nəzər salınır,1939-1945 - ci illər müharibəsində dünya xalqlarının faşizm əsarətindən azad edilməsində Azərbaycan SSR- nin rolu işıqlandırılır,Sovet İttifaqı Qəhramanları və “Şöhrət “ ordeninin tam üç dərəcəsi ilə təltif olunan azərbaycanlılar haqqında biobiblioqrafik məlumatlar verilir. Monoqrafiyada müharibə dövründə yaranmış çətinliklərindən istifadə edən düşmən elementlərin Azərbaycanda antisovet əhval – ruhiyyəsi yayması arxiv sənədəri əsasında təhlil olunur.

İctimaiyyətlə əlaqələr şöbəsi,

info.tarixinstitutu@gmail.com

+994 70 253 75 93

© Bütün hüquqlar qorunur.Xəbərlərdən istifadə edərkən http://www.tarixinstitutu.az saytına istinad zəruridi