AZƏRBAYCAN MİLLİ ELMLƏR AKADEMİYASI

Abbasqulu Ağa Bakıxanov adına

TARİX İNSTİTUTU

Tarix və Etnologiya İnstitutu ilə Tacikistan Tarix, Arxeologiya və Etnoqrafiya İnstitutu arasında memorandum imzalanıb

03.04.2025 14:49

3 aprel 2025-ci il tarixində AMEA A.A.Bakıxanov adına Tarix və Etnologiya İnstitutu ilə Tacikistan Milli Elmlər Akademiyası A.Doniş adına Tarix, Arxeologiya və Etnoqrafiya İnstitutu arasında anlaşma memorandumu imzalanıb. Bu sənədin imzalanması iki ölkə arasında elmi tədqiqat sahəsində əməkdaşlığın genişlənməsi və möhkəmlənməsi baxımından əhəmiyyətli addımdır. Memorandum, tarix və etnologiya sahələrində mütəxəssislərin qarşılıqlı təcrübə mübadiləsi aparmasını, elmi resursların paylaşılmasını, müştərək elmi konfransların, simpoziumların, seminarların, toplantıların təşkilini, birgə layihələrin həyata keçirilməsini nəzərdə tutan bir platforma yaradacaqdır.

Bu əməkdaşlıq, Azərbaycanın və Tacikistanın tarixi və etnologiyasının daha dərindən öyrənilməsinə, elmi fəaliyyətlərin beynəlxalq səviyyədə tanınmasına və mövcud elmi potensialın gücləndirilməsinə imkan yaradacaqdır.

Xatırladaq ki, 18 dekabr 2024-cü il tarixində Tacikistan Respublikasının Düşənbə şəhərində Azərbaycan Respublikası və Tacikistan Respublikası arasında ticarət-iqtisadi əməkdaşlıq məsələləri üzrə Birgə Hökumətlərarası Komissiyanın 7-ci iclası keçirilmişdir. İclasın yekunlarına dair Protokolun “Elm və təhsil sahəsində əməkdaşlıq haqqında” 7-ci bəndinin 7.7 yarımbəndinə əsasən AMEA A.A.Bakıxanov adına Tarix və Etnologiya İnstitutu ilə Tacikistan MEA A.Doniş adına Tarix, Arxeologiya və Etnoqrafiya İnstitutu arasında elmi əməkdaşlıq haqqında anlaşma memorandumunun imzalanması əksini tapıb.

Beynəlxalq əlaqələr şöbəsi

Paylaş: