TARİX İNSTİTUTU

Tarix və Etnologiya İnstitutunda AMEA-nın 80 illik yubileyinə hazırlıq məsələləri müzakirə edildi

02.04.2025

Aprel ayının 2-də AMEA A.A. Bakıxanov adına Tarix və Etnologiya İnstitutunda Azərbaycan Respublikasının Prezidenti İlham Əliyevin “Azərbaycan Milli Elmlər Akademiyasının 80 illiyinin qeyd edilməsi haqqında” sərəncamından irəli gələn vəzifələr, görülən işlər, aparılan tədqiqatlarla bağlı tədbir keçirildi. Tədbirdə çıxış edən Tarix və Etnologiya İnstitutunun direktoru, tarix elmləri doktoru, professor Kərim Şükürov sərəncamda əksini tapan müddəalara diqqəti çəkdi, tarix və etnologiya sahəsində görülən işlər, qarşıda duran planlar haqqında məlumat verdi.

Tədbirdə tarixi-etnoloji tədqiqatlar, nəşr ediləcək məqalə və kitablar, AMEA-nın 80 illiyi, institutun 90 illiyi münasibəti ilə şöbə və institut səviyyəsində təşkil ediləcək tədbirlər, irəli sürülən təkliflərlə bağlı müzakirələr aparıldı, müvafiq tapşırıqlar verildi.

______________________

İctimaiyyətlə əlaqələr şöbəsi

info.tarixinstitutu@gmail.com

+994 70 253 75 93

© Bütün hüquqlar qorunur.Xəbərlərdən istifadə edərkən http://www.tarixinstitutu.az saytına istinad zəruridir